چیئرمین پی ٹی آئی کی سائفر کیس کی سماعت اٹک جیل میں کرنے کے خلاف درخواست پر اعتراضات دور

چیئرمین پی ٹی آئی عمران خان کی سائفر کیس کی سماعت اٹک جیل میں کرنے کے خلاف درخواست پر اعتراضات دور کر دیئے گئے،

اسلام آباد ہائی کورٹ نے سیکرٹری داخلہ اور سیکرٹری قانون کو نوٹسز جاری کر دیئے

اسلام آباد ہائیکورٹ نے سپریٹنڈنٹ اڈیالہ اور اٹک جیل کو بھی نوٹس جاری کرتے ہوئے  جواب طلب کرلیا

تفصیلا ت کے مطابق اسلام آباد ہائیکورٹ نے سیکرٹری قانون اور سیکرٹری داخلہ کو نوٹس جاری کردیا،ڈی جی ایف آئی اے، چیف کمشنر، ڈپٹی کمشنر اور آئی جی اسلام آباد کو بھی نوٹس جاری کردیا گیا۔

اسلام آباد ہائیکورٹ کے چیف جسٹس عامر فاروق نے چیئرمین پی ٹی آئی کی درخواست پر حکم جاری کیا۔چیئرمین پی ٹی آئی نے عدالت کو اٹک جیل منتقل کرنے کا نوٹیفکیشن کالعدم قرار دینے کی درخواست دی۔