عدالت کےروکنےکےباوجودپرویزالہی دوبارہ گرفتار ،اسلام آباد پولیس پر توہین عدالت

پی ٹی آئی صدر چودھری پرویز الہی کو اسلام آباد پولیس نے دوبارہ گرفتار کر لیا ، پرویز الہی کو کینال روڈ سے اسلام آباد پولیس نے گرفتار کیا ، اسلام آباد پولیس کا کہنا ہے کہ پرویز الہی کو تھری ایم پی او کے تحت گرفتار کیا گیا ہے ۔

پرویز الٰہی دوبارہ گرفتار لاہور پولیس پر توہین عدالت،
عدالت کا سخت ایکشن!!
شعیب شاہین کا فوری رد عمل آگیا pic.twitter.com/iOnM0dQiaL

— GNN (@gnnhdofficial) September 1, 2023

یاد رہے کہ لاہور ہائی کورٹ نے چودھری پرویز الہی کو کسی بھی مقدمے میں گرفتار کرنے سے روکا تھا ، لاہور ہائی کورٹ نے کسی بھی ادارے ، ایجنسی اور پولیس کو پرویز الہی کو کسی بھی معلوم اور نامعلوم کیس میں گرفتار کرنے سے منع کیا تھا ، عدالتی حکم نامہ کے باوجود پرویز الہی کو کینال روڈ سےاسلام آباد پولیس نے گرفتار کر لیا ۔

ماہر قانون شعیب شاہین نے میڈیا سے بات کرتے ہوئے کہا کہ پرویز الہی کو اغوا کیا گیا ہے ، ماہر قانون نے کہا کہ جب عدالت نے منع کر دیا تو کس قانون کے تحت ان کو حراست میں لیا گیا ہے؟ جو پولیس بھی ان کو گرفتار کر کے جا رہا ہے یہ سراسر غیر قانونی کام کر رہے ہیں ، ان کی گرفتاری میں جو جو ادارہ ملوث ہوگا ان کے خلاف عدالتی کاروائی عمل میں لائی جائے گی ۔