پولیس کا ایس ایچ او منشیات فروشوں کا سہولت کار نکلا ،3 کروڑ رشوت لی،انکوائری پر شہر سے فرار

لاہور میں منشیات فروشی کا دھندہ آئے دن بڑھتا جا رہا ہے ، جہاں  لاہور پولیس ان منشیات فروشوں کے خلاف کاروائیاں کرنے میں مصروف ہے وہاں لاہور پولیس کے ملوث ہونے کا بھی انکشاف کیا جا رہا ہے ۔

میڈیا ذرائع کے مطا بق لاہور تھا نہ شاہدرہ کے ایس ایچ او صغیر میتلا نے منشیات فروش سے 3 کروڑ روپے رشوت کی مد میں لیے ،لاہور جا ایس ایچ او خود بھی منشیات فروشوں کا سہولت کار نکلا ۔

سی سی پی او لاہور نے ایس ایچ او صغیر میتلا کے خلاف انکوائری کا حکم دیا ، ایس ایچ او انکوائری میں پیش ہونے کے بجائے شہر سے ہی فرار ہوگئے ، ڈی آئی جی آپریشنز نے واقعے کا نوٹس لیتے ہوئے ایس ایچ او صغیر میتلا کو معطل کر دیا ۔