صدارتی معافی کی طرح نیب سے معافیاں طلب کی جارہیں ہیں ،چیف جسٹس

سپریم کورٹ نے نیب ترامیم کیس کی سماعت 5 ستمبر تک ملتوی کر دی ۔

چیف جسٹس نے ریمارکس دیےصدارتی معافی کی طرح  نیب سے معافیاں طلب کی جا رہیں ہیں ، داغدار پیسے کا تحفظ کر کے سسٹم میں بہت سے لوگوں کو بچایا جاتا ہے ۔

معاشی مواقعے چھیننے کی وجہ سے لوگ ملک چھوڑ کر باہر جا رہے ہیں ، نوجوان طبقہ ملک چھوڑ کر باہر جا رہا ہے جن کے ہاتھ میں ملک کی تقدیر ہے۔

سپریم کورٹ نے نیب ترامیم کیس کی سماعت5ستمبر تک ملتوی کر دی#GNN #NewsUpdates #BreakingNews #GNN_Updates pic.twitter.com/wUO37XJ0Ql

— GNN (@gnnhdofficial) September 1, 2023

جسٹس منصور علی شاہ بولے کہ اگر پارلیمنٹ میں بیٹھے لوگ اپنے فائدے کے لیے قانون بنا بھی لیں تو عدالت کیا کرسکتی ہے۔

نیب کی رپورٹ کے مطابق رواں سال 30 اگست تک 12 ریفرینسز نیب عدالتوں میں منتقل ہوئے ، نیب قانون میں ترامیم سے فائدہ اٹھانے والوں میں سابق صدر آصف زرداری ، شاہد خاقان عباسی ، منظور جما لی ، انور مجید اور حسین لوائی بھی شامل ہیں ۔

چیف جسٹس نے کہا کہ نیب ترامیم کے بعد عالمی مدد سے ملنے والے شواہد قابل قبول نہیں رہے۔