مہنگائی کے خلاف احتجاج پر جماعت اسلامی قائدین کے خلاف مقدمہ درج

پشاور میں مہنگائی کے خلاف اختجاج پر پولیس نے جماعت اسلامی قائدین کے خلاف مقدمہ درج کر لیا

ایف آئی آر کے مطابق  پشاور میں احتجاج کے دوران جماعت اسلامی کے کارکنوں نے زبردستی دکانیں بند کراوائی،مظاہرین نے دکانیں بند نہ کرنے پر دکانداروں کو دکانیں جلانے کی دھمکی دی۔

مقدمے میں کارسرکار میں مداخلت اور روڈ بند کرنے کی دفعات شامل کی گئی ہیں۔

ایف آئی آر کے مطابق جماعت اسلامی کے رہنمائوں نے روڈ کو ٹریفک کیلئے بند کرکے شہریوں کو اشتعال دلایا۔ایف آئی آر کے متن میں مزید کہا گیا ہے کہ مظاہرین نے بی آر ٹی کو نقصان پہنچانے کی بھی کوشش کی۔

ایف آئی آر میں بحراللہ ایڈووکیٹ، خالد گل، ظاہر شاہ، طاہر زرین، حاجی قدیر اور دیگر نامزد ہیں۔