سیاحت کی صنعت میں غیر ملکی سرمایہ کاری کیلئے اقدامات کررہے ہیں ، وصی شاہ

اسلام آباد: حکومت سیاحت کی صنعت میں غیرملکی سرمایہ کاری بڑھانے کے لئے اہم اقدامات کررہی ہے۔

نجی نیوزچینل سے گفتگو کرتے ہوئے سیاحت کے بارے میں معاون خصوصی وصی شاہ نے کہا کہ سرکاری اور پرائیویٹ فریقین کی فعال شرکت کے ساتھ تمام بین الاقوامی فورمز پر پاکستان کے بھرپورسیاحتی ویزے کے فروغ ونمائش کے لئے کوششیںجاری ہیں۔

انہوں نے کہاکہ حکومت پاکستان کے سیاحتی امکانات کی تلاش کے لئے سرمایہ کاروں کے اعتماد میں اضافے کے لئے بھی اقدامات کررہی ہے جس سے بین الاقوامی سطح پر پاکستان کے مثبت تشخص کو فروغ ملے گا۔

ایک سوال کے جواب میں معاون خصوصی نے کہاکہ پاکستان میں ملک کی ثقافتی ،ماحولیاتی اور مذہبی سیاحت کے مشاہدے کے لئے غیرملکی سیاحوں اوربیرون ملک مقیم پاکستانیوں کی بڑی تعداد کوراغب کرنے کے لئے وسیع امکانات موجود ہیں۔