چینی کی قیمت کی ڈبل سنچری، دکانداروں کے من مانے ریٹ

کوئٹہ: شہر میں چینی کی قیمت کی ڈبل سنچری کراس کر گئی، چینی کی بڑھتی ہوئی قیمت پر قابو نہ پایا جاسکا، ایک ہی ہفتے میں چینی کی قیمت میں  30 روپے تک کا اضافہ ہوا ہے۔

شہر میں چینی190 سے بڑھ کر 220 روپے فی کلو فروخت ہو رہی ہے، اسی طرح پچاس کلو کا تھیلا ساڑھے 9 ہزار سے بڑھ کر 1100 روپے تک فروخت کیا جارہا ہے۔

دوکانداروں کا کہنا ہے کہ چینی ہمسایہ ممالک میں سمگل کی جارہی ہے جس کی وجہ سے چینی کی قیمتوں میں اضا فہ ہو رہا ہے۔

شہریوں کا کہنا ہے کہ چینی کی قیمت میں دن بدن ہونے والے اضافے سے ان کا گھریلو بجٹ متاثر ہورہا ہے، اب ہم میں مزید مہنگائی برداشت کرنے کی سکت نہیں رہی۔

شہریوں نے حکومت سے مطالبہ کیا ہے کہ چینی کی بڑھتی ہوئی قیمتوں کو کنٹرول کیا جائے اور چینی سمگل کرنے والوں کے خلاف کاروائی کی جائے۔

دوسری جانب کراچی میں بھی چینی کی قیمت میں اضافہ جاری ہے، ہول سیل مارکیٹ میں چینی 4 روپے اضافے سے 176 روپے فی کلو فروخت کی جارہی ہے جبکہ ریٹیل میں 5 روپے اضافے کے ساتھ تقریبا 190 روپے فی کلو میں فروخت ہو رہی ہے۔

گزشتہ ہفتے کی بات کی جائے تو ہول سیل مارکیٹ میں  18 روپے چینی کی قیمت میں اضافہ ہوا ہے اور ریٹیل مارکیٹ میں تقریبا  20روپے اضافہ ہوا ہے۔