کراچی صارفین کے لیے بجلی مہنگی ہونےکا امکان

کراچی: جہاں عوام پہلے ہی بجلی کے بلوں میں اضافے سے پریشان ہیں وہیں وفاقی حکومت نے کے الیکٹرک کے بنیادی ٹیرف میں اضافے کی درخواست نیپرا میں جمع کروادی ہے۔

دوسری جانب کےالیکٹرک کےصارفین پر4 روپے 45 پیسے تک سہ ماہی ایڈ جسٹمنٹ عائد کرنےکی درخواست بھی دائرکی گئی ہے، نیپرااتھارٹی میں درخواست پرسماعت 11 ستمبر کو ہوگی۔

اس کےعلاوہ پالیسی گائیڈلائنزبھی نیپرا کوبجھوادی گئی ہیں اوریہ کہا گیا ہے کہ پورے ملک میں یکساں ٹیرف کرنا ہے اورجوایڈجسٹمنٹ دیگرکمپنیوں کے لیے کی گئی تھی 1روپیہ 41 پیسے سے 4 روپیہ  45 پیسے وہ کےالیکٹرک پر بھی لاگوکی جائیں اوریہ ٹیرف اپریل، مئی، جون 2023 کی مد میں وصول کیا جائے جوکہ ستمبر، اکتوبر، نومبرمیں صارفین سے وصول کیا جائے گا۔

وفاقی حکومت کی جانب سےنیپرا کوبھیجی گئی دونوں درخواستیں منظورہو جاتی ہیں تو کےالیکٹرک کےبنیادی ٹیرف میں اضافہ ہو جائےگا اوراس پرایک سرچارج بھی لگ جائے گا جوکہ ایک روپے 41 پیسے سے 4 روپے 45 پیسے فی یونٹ بجلی مہنگی ہوجائے گی۔