ناسا کے 4خلاباز بین الاقوامی خلائی سٹیشن سے واپس زمین پر آ گئے

ناسا کے سپیس ایکس کریو۔6 مشن کے 4خلاباز بین الاقوامی خلائی سٹیشن پر 6 ماہ کے قیام کے بعد واپس زمین پر آ گئے ۔ پیر کو سپیس ایکس کریو ڈریگن کیپسول پر سوار خلاباز فلوریڈا کے ساحل کے قریب باحفاظت اترے۔ ناسا اور سپیس ایکس کے مشترکہ طور پر چلائے جانے والے کریو۔ 6 مشن کے چاروں خلا باز زمین پر واپسی کے لیے اتوار کو صبح خلائی سٹیشن سےروانہ ہوئے تھے ۔

Welcome back, #Crew6! ?

Four members aboard the @SpaceX Dragon Endeavour spacecraft splashed down off the coast of Florida at 12:17am ET on Monday, Sept. 4, completing their 186-day mission aboard the space station. https://t.co/7OTJApiTBU pic.twitter.com/GsIgBfLs7m

— International Space Station (@Space_Station) September 4, 2023

عملے نے 13 فٹ چوڑی کریو ڈریگن گاڑی کو جیکسن ویلے، فلوریڈا کے ساحل سے دور اپنے ہدف پرکامیابی سے لینڈ کیا ۔کریو ڈریگن کیپسول 17,000 میل فی گھنٹہ (27,000 کلومیٹر فی گھنٹہ) سے زیادہ کی رفتار سے سفر کیا اور جیسے ہی اس کی سپلیش ڈاؤن لینڈنگ کا آخری مرحلہ شروع ہوا تو خلائی جہاز کا بیرونی حصہ تقریباً 3,500 ڈگری فارن ہائیٹ (1,900 ڈگری سیلسیس) تک گرم ہو گیا تھا ۔

خلائی جہاز کے کیبن کے اندر، مسافروں کو ہیٹ شیلڈ سے محفوظ رکھا گیا تھا اور اندرونی درجہ حرارت 100 ڈگری فارن ہائیٹ (37.8 ڈگری سیلسیس) سے نیچے تھا۔ واپس آنے والے خلابازوں میں ناسا کے خلانورد سٹیفن بوون اور وارن ہوبرگ ،متحدہ عرب امارات کے سلطان النہادی اور روسی خلاباز آندریو فدایوف شامل ہیں ۔یہ خلاباز رواں سال مارچ میں خلائی سٹیشن پر گئے تھے