آئی ایم ایف نے بجلی بلوں میں ریلیف کا پلان مسترد کر دیا

میڈیا ذرائع کے مطابق پلان میں بتایا گیا تھا کہ بجلی کے بلوں میں ریلیف سے ساڑھے 6 ارب روپے سےکم کا اثر  پڑےگا، آئی ایم ایف نے  پلان مسترد کرتے ہوئے 15 ارب روپے سے زائدکا اثر بتایا۔

میڈیا ذرائع کا کہنا ہےکہ  آئی ایم ایف نے 15 ارب کی مالیاتی گنجائش پوری کرنےکا پلان بھی مانگ لیا ہے۔

ذرائع کے مطابق آئی ایم ایف نے پاکستان سے تحریری پلان مانگ لیا ہے جو کہ ابھی آئی ایم کو پیش نہیں کیا گیا جس میں مسلسل تاخیر ہو رہی ہے ۔

ذرائع نے بتایا ہےکہ  بجلی کے بلوں میں ریلیف دینے کے لیے بجٹ سے آؤٹ نہ ہونےکی آئی ایم ایف کویقین دہانی کرائی گئی ہے، بلوں کو 4  ماہ  میں وصول کرنےکے لیے بھی آئی ایم ایف سے درخواست کی گئی ہے ، جس پر آئی ایم ایف نے ابھی تک کوئی بھی تحریری پلان پاکستان کے لیے تیار نہیں کیا ، پہلے پاکستان کو درست تخمینہ اور تحریری پلان کے خوالے سے دستاویزات مانگی گئیں ہیں جو ابھی تک تاخیر کا شکار ہیں ۔