جی سی یونیورسٹی لاہورکا انٹری ٹیسٹ غیر قانونی ہے ،طالب علم نے ہائی کورٹ میں درخواست دائر کر دی

لاہور: جی سی یونیورسٹی لاہور میں داخلے کے لیے ہونے والے انٹری ٹیسٹ کو ایک درخواست گزار نے لاہور ہائی کورٹ میں چیلنج کر دیا ۔

طالب علم نے درخواست میں انٹری ٹیسٹ پر اعتراضات اٹھا دیے ، طالب علم نے اپنے وکیل رانا سکندر کے توسط سے درخواست کو ہائی کورٹ میں چلینج کیا ، وکیل رانا سکندر نے درخواست میں مؤقف اپنایا کہ ایچ ای سی کی جانب سے کسی بھی انٹری ٹیسٹ کی اجازت نہیں دی گئی یہ انٹری ٹیسٹ کس قانون کے تحت لیا جا رہا ہے ۔

طالب علم نے انٹری ٹیسٹ کو لاہور ہائیکورٹ میں چیلنج کردیا
#GNN #BreakingNews #NewsUpdates #GNN_Updates pic.twitter.com/KloOnMgTq7

— GNN (@gnnhdofficial) September 4, 2023

رانا سکندر نے میڈیا سے گفتگو کرتے ہوئے کہا کہ انٹری ٹیسٹ کی مد میں طلبا سے خطیر رقم لی جا رہی ہے جس کی کوئی بھی قانونی حیثییت نہیں ہے، جی سی ہی ایسا واحد ادارہ ہے جس میں یہ ٹیسٹ لیا جا رہا ہے ، ایسے طالب علم بھی ٹیسٹ پاس نہیں کر سکے جنہوں نے میٹرک میں 1000 نمبرز حاصل کیے،یہ بہت حیران کن ہے۔

رانا سکندر نے کہا کہ یہ انٹری ٹیسٹ ہی غیر قانونی ہیں پوری دنیا رزلٹ کارڈز کوایکسیپٹ کر رہی ہے یونیورسٹی کیوں نہیں کر رہی یہ تو انٹر نیشنل لیول پر بھی قابل قبول ہیں لیکن پاکستان میں کیوں اس کو قبول نہیں کیا جا رہا۔