اسرائیلی فورسز کی نور شمس پناہ گزین کیمپ میں فائرنگ ، فلسطینی نوجوان شہید کر دیا

مقبوضہ بیت المقدس: اسرائیلی فورسز نے مغربی کنارے میں نور شمس پناہ گزین کیمپ میں فائرنگ کر کے فلسطینی نوجوان کو شہید اور ایک کو زخمی کر دیا۔ چینی خبر رساں ادارے کے مطابق اسرائیلی فوج کے ترجمان نے بتایا کہ فوج اور نیم فوجی بارڈر پولیس کے دستوں نے بلڈوزر کے ساتھ تلکرم شہر کے قریب نور شمس پناہ گزین کیمپ پر چھاپہ مارا ۔

فلسطینی وزارت صحت نے بیان میں کہا کہ اسرائیلی فورسز نے فلسطینی نوجوان کو سر پر گولیاں مار کر شہید اور ایک کو زخمی کر دیا۔ مرکزاطلاعات فلسطین کے مطابق بلڈوزر نے کیمپ میں متعددسڑکوں اور کھیلوں کے ایک مرکز کو نقصان پہنچایا۔