داماد نے ساس کے گھر ہی چوری کی واردات کر ڈالی

پشاور : حیات آباد کے علاقے میں چوری کی ایک ابوکھی واردات سامنے آئی ہے ، پاکستان میں بے روزگاری دن بہ دن بڑھتی جا رہی ہے آئے دن اشیائے خوردونوش میں اضافے نے لو گوں کو بے روزگاری کی بھینٹ چڑھا دیا ہے ۔

حیات آباد کے علاقے میں داماد نے ساس کو ہی لوٹ لیا ، پولیس حکام کا کہنا ہے کہ ملزم نے انکشاف کیا ہے کہ بے روزگاری سے تنگ آ کر اپنی ساس کو ہی لوٹ لیا اس کے علاوہ اور کچھ ذہن میں نہیں آیا جس کے باعث یہ انتہائی اقدام اٹھایا ہے ۔

پشاور کے علاقے حیات آباد میں انوکھی چوری#GNN #GNN_Updates #newsupdates #breakingnews pic.twitter.com/bYfnyOhEE7

— GNN (@gnnhdofficial) September 5, 2023

پولیس کا کہنا ہے کہ بیوی بھی اس واردات میں ملوث ہے ، ملزم کی بیوی نے ملزم کو چوری کرنے میں مدد فراہم کی ہے ، پولیس کا کہنا ہے کہ بیوی کو بھی گرفتار کرکے شامل تفتیش کر لیا گیا ہے ۔

پولیس نے ملزمان میاں بیوی سے چوری کیا گیا سامان بھی برآمد کر لیا گیا ہے جس میں زیورات اور نقدی شامل ہے ۔