میزبان ٹینس سٹار کوکو گف پہلی مرتبہ یو ایس اوپن ٹینس ٹورنامنٹ کی ویمنز سنگلز سیمی فائنل رائونڈ میں داخل

نیویارک: امریکا کی نامور ٹینس سٹار اورمیگا ایونٹ کی سکستھ سیڈڈ کوکوگف اور جمہوریہ چیک کی ہی کیرولینا موچووا اپنی عمدہ کارکردگی کی بدولت یو ایس اوپن ٹینس ٹورنامنٹ میں خواتین کے سنگلز مقابلوں کے سیمی فائنل رائونڈ میں پہنچ گئیں۔

میزبان 19 سالہ کوکوگف نے میگا ایونٹ کے کوارٹر فائنل رائونڈ میں لٹویا کی 26 سالہ جیلینا اوسٹاپینکو کو شکست دے کرپہلی مرتبہ ٹاپ فور میں جگہ پکی کی جبکہ جمہوریہ چیک کی ہی کیرولینا موچووا نے ٹاپ ایٹ میچ میں رومانیہ کی سوراناکرسٹیا کو ہرا کر سیمی فائنل کے لئے کوالیفائی کیا۔

سال کے چوتھے اور آخری گرینڈ سلام یو ایس اوپن ٹینس ٹورنامنٹ کے دلچسپ مقابلے امریکا کے شہر نیویارک میں جاری ہیں۔بدھ کو ویمنز سنگلز مقابلوں کے ٹاپ 8 رائونڈ میں امریکا کی نامور ٹینس سٹار اورمیگا ایونٹ کی سکستھ سیڈڈ کوکوگف نے انتہائی شاندار کارکردگی کا مظاہرہ کرتے ہوئے حریف لٹویا کی 26 سالہ جیلینا اوسٹاپینکو کو سٹریٹ سیٹس میں 0-6 اور 2-6 سے شکست دے کر پہلی مرتبہ یو ایس اوپن ٹینس ٹورنامنٹ کے سیمی فائنل کے لئے کوالیفائی کیا۔

اس سے قبل پری کوارٹر فائنل میچ میں لٹویا کی جیلینا اوسٹاپی نے شاندار کارکردگی ک مظاہرہ کرتے ہوئے پائولش ٹاپ سیڈڈ اور دفاعی چیمپئن آئیگاسویٹیک کو اپ سیٹ شکست دیکر کوارٹر فائنل کے لئے کوالیفائی کیا تھا۔ میزبان ٹینس سٹار کوکوگف نے 67منٹ کے مقابلے کے بعد جیلینا اوسٹاپینکو کو پچھاڑ دیا۔

میگا ایونٹ کے ویمنز سنگلز کے دوسرے کوارٹر فائنل میچ میں جمہوریہ چیک کی ہی کیرولینا موچووا نے عمدہ کھیل پیش کرتے ہوئے رومانیہ کی سورانا کرسٹیالٹویا کو سٹریٹ سیٹس میں 0-6 اور 3-6 سے ہرا کر نہ صرف میگا ایونٹ سے باہر کردیا بلکہ سیمی فائنل رائونڈ کے لئے بھی کوالیفائی کرلیا، جہاں ان کا مقابلہ امریکی ٹینس کھلاڑی کوکوگف سے ہوگا۔\932