ملک بھر میں چینی مافیا کا راج، قیمتیں آسمان پر پہنچ گئیں

ملتان: شہربھرمیں آئے دن چینی کی قیمت میں اضا فہ ہورہا ہے، ایک ہفتے کے دوران چینی کی قیمت میں 40 روپےکا اضافہ ہوا۔

چینی 160 سے  200 روپے فی کلو فروخت ہورہی ہے۔

شہریوں نے تفتیش کا اظہار کرتے ہوئے کہا کہ پرائس کنٹرول کمیٹیاں غائب ہیں، کوئی چیک اینڈ بیلنس نہیں ہے، جب بھی چینی لینے آتے ہیں ہر بار چینی کی قیمت میں اضافہ ہوا ہوتا ہے۔

شہریوں نے مطالبہ کیا ہے کہ حکومت ریلیف فراہم کرے اورچینی کےساتھ دیگراشیاء کی قیمتوں میں کمی لائی جائے۔

دوسری جانب کراچی میں سبزیوں کی قیمتیں بھی آسمان سےباتیں کرنے لگی،ٹماٹرکی قیمت 100سے  130، ادرک 1000سے  1200روپےکلو فروخت ہورہا ہے۔

لوگوں کا کہنا ہے کہ اب تو سبزیاں بھی پہنچ سے دور ہوتی جارہی ہیں، قیمتیں کم ہونے کا نام ہی نہیں لیں رہیں۔