لاہور: ٹیچر کے تشدد سے طالب علم زخمی

لاہور: شہرلاہور کے علاقے سمن آباد میں تشدد کا واقعہ پیش آیا جس میں ٹیچر کے تشدد سے طالب علم زخمی ہوگیا۔

طالب علم کے والد نے کہا کہ ٹیچر نے فیضان کو شرارتیں کرنے پر پہلے تشدد کا نشانہ بنایا پھر اس کو پکڑ کر اچھالا جس سے فیضان کا سرپنکھے سے ٹکرایا اور وہ زخمی ہوگیا۔

پولیس نےوالد کی درخواست پر سکول انتظامیہ کے خلاف واقعے کا مقدمہ درج کرلیا ہے لیکن ابھی تک سکول انتظامیہ کو حراست میں نہیں لیا گیا۔

پولیس کا کہنا ہے کہ مقدمہ درج ہے، تحقیقات بھی جاری ہیں اور ملزم کو جلد حراست میں لے لیا جائے گا۔

فیضان کے والد نے مطالبہ کیا ہے کہ اس واقعے کا نوٹس لیا جائے اور کارروائی عمل میں لائی جائے۔