لاہور ہائی کورٹ کی عمران ریاض کی بازیابی کےلئے آئی جی پنجاب کو 13 ستمبر تک کی مہلت

لاہور ہائی کورٹ نے صحافی عمران ریاض کی بازیابی کے لئے آئی جی پنجاب کی مزید وقت دینے کی استدعا منظور کرتے ہوئے 13 ستمبر تک کی مہلت دے دی۔

چیف جسٹس لاہور ہائیکورٹ محمد امیر بھٹی نے عمران ریاض کی بازیابی کے لیے ان کے والد کی درخواست پر سماعت کی۔

آئی جی پنجاب نے کہا کہ  عمران ریاض کی  بازیابی میں کافی مثبت پیشرفت ہوئی ہے، آئندہ دس سے پندرہ دنوں میں خوشخبری دینگے، عدالت ہمیں 10 دن کی مہلت فراہم کرے جس پر  چیف جسٹس نے آئی جی پنجاب سے کہا کہ مزید مہلت مانگی جارہی ہے، کوئی پیشرفت بھی ہونی چاہیے۔

ہائیکورٹ نے آئی جی پنجاب کو آج شام پانچ بجے عمران ریاض کے والد اور لیگل ٹیم سے ملاقات کی ہدایت کر دی۔