شیریں مزاری کا نام ای سی ایل سے نکالنے کے خلاف کیس کی سماعت 

اسلام آباد: ہائی کورٹ میں سابق وفاقی وزیر شریں مزاری کا نام ای سی ایل سے نکالنے سے متعلق کیس کی سماعت ہوئی۔

جج طارق محمود جہانگیری نے سوال کیا کہ کیا آئی جی اسلام آباد نے 25 ہزار روپے جرمانہ ادا کیا ہے؟ آئی جی کو کہیں جرمانہ ادا کریں ورنہ توہین عدالت لگا کر جیل بھیجیں گے۔

جس پر آئی جی اسلام آباد کی جانب سے پولیس حکام نے کمرہ عدالت میں 25 ہزار جرمانہ شیریں مزاری کو دیا۔

جسٹس طارق محمود جہانگیری نے ریمارکس دیتے ہوئے کہا آپ نے عدالتی حکم کو مزاق بنا رکھا ہے، اس کے ساتھ ہائی کورٹ میں شیریں مزاری کے خلاف درج مقدمات کا ریکارڈ بھی طلب کر لیا۔