الیکشن کمیشن کی3600 ڈیٹا انٹری آپریٹرز کی خدمات ریٹرننگ آفیسرز کو مہیا کرنے کی اجازت

الیکشن کمیشن آف پاکستان نے آئندہ عام انتخابات کے دوران 3600 ڈیٹا انٹری آپریٹرز کی خدمات ریٹرننگ آفیسرز کو مہیا کرنے کی اجازت دی ہےتاکہ انتخابات کے دوران اُنہیں ہر قسم کی معاونت حاصل ہو۔

مزید ان ملازمین کی استعداد کار کو بڑھانے کے لئے ایک جامع ٹریننگ پروگرام کا انعقاد کیا گیا ہے۔ یہ ٹریننگ 4 سے 16 ستمبر 2023 تک پاکستان کے 16 مختلف شہروں میں کی جائے گی۔

اس ٹریننگ کا مقصد انتخابی عمل میں مزیدشفافیت لانا اور کام کو بروقت مکمل کرنا ہے۔اس ٹریننگ کی موثر و جامع مانیٹرنگ کے لئے الیکشن کمیشن نے ایک جدید مانیٹرنگ سسٹم بھی تیار کیا ہے۔کمیشن کے25 سینئر افسران اس ٹریننگ کی مانیٹرنگ اور مکمل نگرانی کریں گے