پنجاب حکومت نے 7 ستمبر کو لاہور میں تعطیل کا اعلان کر دیا

لاہور: پنجاب کی نگران  صوبائی حکومت نے صوفی بزرگ حضرت گنج بخش سید علی ہجویری رحمۃ اللہ علیہ کے سالانہ عرس کی مناسبت سے 7 ستمبر کو لاہور میں عام تعطیل کا اعلان کیا ہے۔

گزشتہ رات داتا دربار کے دورے کے دوران نگران وزیر اعلیٰ پنجاب محسن نقوی   نے اعلان کیا کہ تین روزہ عرس کی تقریبات منگل سے شروع ہوں گی، اور تقریبات کے احسن انعقاد کو یقینی بنانے کے لیے وسیع انتظامات کیے جا رہے ہیں۔

نگران وزیراعلیٰ پنجاب محسن نقوی  نے مزید کہا کہ تقریبات تین روز تک جاری رہیں گی، اس موقع کو کامیاب بنانے کے لیے بھرپور تیاریاں جاری ہیں۔