توشہ خانہ ریفرینس کیس میں نیب نے بشریٰ بی بی کو طلب کر لیا

راولپنڈی: قومی احتساب بیورو (نیب) نے توشہ خانہ کیس میں پاکستان تحریک انصاف (پی ٹی آئی) کے چیئرمین کی اہلیہ بشریٰ بی بی کو کل   طلب کرلیا۔

اطلاعات کے مطابق بشریٰ بی بی کو توشہ خانہ کیس کے سلسلے میں نیب راولپنڈی کی جانب سے کل صبح 11 بجے طلب کیا گیا ہے۔ 

نوٹیفکیشن میں بتایا گیا کہ بشریٰ بی بی نے 18 ستمبر 2020 کو ہیرے اور سونے کی انگوٹھی، بریسلٹ اور ہار حاصل کیا، لیکن وہ اسے اپنے اثاثوں میں درج کرنے میں ناکام رہی۔

اس کے برعکس پی ٹی آئی رہنما کی اہلیہ کو 26 جون 2019 کو چین، لاکٹ اور بالیاں ملی تھیں۔سابق خاتون اول پر توشہ خانہ کے تحائف میں سے ایک لاکٹ، چین، بالیاں، دو انگوٹھیاں اور بریسلٹ رکھنے کا الزام ہے۔

گزشتہ ماہ الیکشن کمیشن آف پاکستان کی جانب سے پی ٹی آئی کے سربراہ کو "جھوٹے بیانات اور غلط اعلان" کرنے پر نااہل قرار دینے کے بعد توشہ خانہ کا معاملہ قومی سیاست میں ایک اہم نکتہ بن گیا۔