پٹرول اور ڈیزل پر ساڑھے 3 روپے مارجن بڑھادیا گیا

اسلام آباد: نگران حکومت عوام پر ایک اورپٹرول بم گرانے کو تیار، نگران وزیرخزانہ شمشاد اختر کی زیرصدارت اقتصادی رابطہ کمیٹی کا اجلاس ہوا۔

اجلاس میں پٹرول اورڈیزل پرآئل مارکیٹینگ کمپنیوں اورڈیلرز کے مارجن میں اضافے کی منظوری دے دی گئی۔

پٹرول اورڈیزل پرساڑھے 3 روپے مارجن بڑھا دیا گیا، 15 ستمبرسے پٹرول اورڈیزل مزید مہنگا ہونے کا خدشہ ہے۔

فیصلے کے مطابق پہلے مرحلے میں آئل مارکیٹنگ کمپنیوں کیلئے15ستمبر سے47 پیسےفی لیٹرمارجن بڑھے گا جبکہ ڈیلرز کے لیے پیٹرول اورڈیزل پر مارجن میں 1.64 روپے فی لیٹرمارجن بڑھانے کا فیصلہ کیا گیا ہے۔