ماہرقانون لطیف کھوسہ کا وکلا کنونشن سے خطاب ،ریاست سے گلوں کی بوچھاڑ کردی

ماہر قانون لطیف کھوسہ نے اسلا م آباد وکلا کنونشن سے خطاب کرتے ہوئے کہا کہ پاکستان کی پاک سرزمین ایک بار پھر وکلا کو پکار رہی ہے،جب بھی دھرتی ماں نے اس کالے کوٹ کو پکارا ہے ہم وکلا نے اپنی جانوں کے نظرانے پیش کیے ہیں ماہر قانون نے کہا کہ تم اس ملک پاکستان سے وکلا کو کبھی ختم نہیں کر سکتے ، وکلا تحریک نے پاکستان کی تاریخ میں ایک مثبت کردار ادا کیا ہے اس کو مٹانے والے آج خود مٹ گئے ہیں ۔

ماہر قانون نے کہا کہ مجھے لفٹ میں بند کر دیا گیا اس وقت مجھے اس قوم کی بے بسی کا احساس ہوا کہ اس قوم سے ماضی میں کیا کیا ہوتا رہا ہے ، لطیف طوسہ نے کہا کہ میرے ساتھ لفٹ میں 17 لوگ تھے ان کی فکر ہی بھول گئی جب قوم کا سوچا کہ قوم کے ساتھ اس ملک میں کیا ہورہا ہے ۔

ماہر قانون نے کہا کہ جس طرح دھرتی ماں کا حشر کیا گیا ہے تاریخ میں کبھی اس طرح نہیں دیکھا تھا دھرتی ماں کو قید کر کے رکھا جا رہا ہے ہر طرف خوف پھیلا دیا گیا ہے ۔

امریکہ کی غلامی کرتے ہو!میں مر بھی جاؤں تو ۔۔۔
تم وکلا کو ختم نہیں کرسکتے، لطیف کھوسہ کی انتہائی شاندار تقریر
وکلا برادری کے فلک شگاف نعرے!! pic.twitter.com/qoYgMDvKJV

— GNN (@gnnhdofficial) September 7, 2023

ماہر قانون نےکہا کہ کس طرح اس ملک میں عدلتوں کے احکامات کی خلاف ورزی کی جارہی ہے جو عدالتیں حکم دے رہیں ہیں اس کے خلاف کا م ہورہے ہیں قانون کی خلاف ورزی کر کے حکومت کیا سمجھتی ہے کہ قوم اندھی ہے ان کو کچھ نظر نہیں آ رہا تو یہ آپ کی بھول ہے ،کیا قوم اندھی ہے ، کیا یہ بہری قوم ہے ، کیا اس قوم کے نوجون گونگے ہیں کیا ہماری قوم کو کوئی شعور نہیں ہے کیا یہ نہیں سمجھ رہے کہ اس ملک میں کیا ہو رہا ہے ۔

حکومت کو صرف ایک ہی پیغام دیتا ہوں کہ جب ظلم اس حد تک بڑھ جاتا ہے تو انقلاب آیا کرتے ہیں بس انقلاب کا انتظار کیا جائے ۔