سانحہ جڑانوالہ کیس میں اہم پیش رفت ،کل سماعت کیلیے مقرر

جڑانوالہ کیس کو سپریم کورٹ نے سماعت کے لیے مقرر کر لیا ۔جسٹس اعجازالاحسن کی سربراہی میں 3 رکنی بینچ کل سماعت کرےگا، بینچ میں جسٹس منیب اختر اور جسٹس جمال خان مندوخیل بھی بینچ میں شامل ہیں۔

18 اگست کو اقلیتی رہنما سیمیول پیارے نے جڑانوالہ واقعے پر نوٹس کے لیے متفرق درخواست سپریم کورٹ میں دائر کی تھی۔

درخواست میں سپریم کورٹ سے جڑانوالہ واقعے کا نوٹس لینے کی استدعا کرتے ہوئےکہا گیا تھا کہ جڑانوالہ میں 16 اگست کو مذہبی اوراقلیتی شر پسندی پھیلائی گئی تھی گھروں اور 19 چرچوں  کو نظر آتش کیا گیاتھا ۔

جڑانوالہ میں مسیحی برادری کے گرجا گھر جلانے کا واقعہ#GNN #GNN_Updates #NewsHeadlines #Breakingnews pic.twitter.com/4QHvYD8Cq8

— GNN (@gnnhdofficial) September 7, 2023

عدالت درخواست منظور کرتے ہوئے اقلیتوں کے حقوق سے متعلق کیس سماعت کے لیے مقرر کرے۔ 

یاد رہے جڑانوالہ واقعہ دو مسیحی افراد کی ذاتی رنجش کی بنا کر وجود میں آیا تھا جس کی تحقیق کرنے کے بعد پولیس نے واقعے کا ماسٹر مائنڈ مسیحی برادری کے جوان کو ٹھہرایا تھا ۔

رجسٹرار سپریم کورٹ نے کیس کی سماعت کے حوالے سے متعلقہ فریقین کو نوٹسسز جاری کردیے ہیں۔