اگر عدالتیں فیصلوں پر عمل درآمد نہیں کرواسکتیں تو عدالتوں کو تالا لگا دیں ،صدر سپریم کورٹ بار

عابد زبیری نے کہا کہ ہم آج قرارداد کی صورت میں جو لائحہ عمل دیں گے سب کو اس پر چلنا ہوگا، آج عدالتوں کا یہ حال ہے کہ ان کے فیصلوں کی خلاف ورزیاں ہو رہی ہیں، خدارا عدالتیں اپنی رٹ کو منوائیں، کھلم کھلا پاکستان کی عدالتوں کی توہین کی جارہی ہے، انہوں نے کہا کہ اگر عدالتیں اپنے فیصلوں پر عملدرآمد نہیں کر واسکتی تو عدالتوں کو تالا لگا دیں ۔

90 دن میں الیکشن کروانے کی درخواست پر سپریم کورٹ نے فیصلہ کیا تو فیصلے پر ابھی تک کوئی عمل درآمد نہیں ہوا،عابد زبیری نے کہا کہ اس پر عمل درآمد کون کروائے گا ؟ فیصلوں پرعملدرآمد کروانا بھی عدالتوں کی ذمہ داری ہے۔

سپریم کورٹ کے فیصلے پر اب تک عملدرآمد نہیں ہوا،صدر سپریم کورٹ بار#GNN #GNN_Updates #NewsHeadlines #Breakingnews pic.twitter.com/NS5oUKNGhn

— GNN (@gnnhdofficial) September 7, 2023

انہوں نے کہا کہ اب سپریم کورٹ میں تبدیلی آنے والی ہے، وقت ہی بتائے گا کہ کیا ہوگا، ہمیں اچھے کی امید رکھنی چاہیے۔

الیکشن کمیشن پر تنقید کرتے ہوئے عابد زبیری  نے  کہا کہ الیکشن کمیشن نے عدالتی حکم اور آئین و قانون کی دھجیاں اڑا رکھی ہیں، الیکشن کمشنر پر آرٹیکل6 لگنا چاہیے تھا۔