چودھری پرویزالٰہی کے جسمانی ریمانڈ میں توسیع کی درخواست مسترد

اسلام آباد: سابق وزیراعلیٰ پنجاب چودھری پرویزالٰہی کی جسمانی ریمانڈ میں توسیع کی درخواست پر انسداد دہش گردی کی عدالت میں سماعت ہوئی۔

 کیس کی سماعت انسداد دہشت گردی عدالت کے جج ابوالحسنات محمد ذوالقرنین نے  کی جس میں عدالت نے جسمانی ریمانڈ میں توسیع کی درخواست کومسترد کر دیا

انسداد دہشت گردی کی عدالت نے جسمانی ریمانڈ میں توسیع کی درخواست کو مسترد کرکے پرویزالٰہی کو 14 جوڈشل ریمانڈ پراڈیالہ جیل میں بھیج دیا گیا۔

عدالت نے پرویز الٰہی کے وکلاء کی کیس سے ڈسچارج کرنے کی بھی استدعا مسترد کردی۔

واضح رہے کہ سابق وزیراعلیٰ پرویزالٰہی کو دو روزی جسمانی ریمانڈ مکمل ہونے پر انسداد دہشت گردی کی عدالت میں پیش کیا گیا تھا، پراسیکیوشن کی جانب سے مزید 10 روز کا جسمانی ریمانڈ مانگا گیا تھا۔