صدر مملکت عارف علوی نے مادر وطن کے شہداء کو خراج پیش کیا

اسلام آباد: صدر مملکت ڈاکٹر عارف علوی نے جمعہ کے روز مادر وطن کی خاطر اپنی جانوں کا نذرانہ پیش کرنے والے شہداء کو زبردست خراج عقیدت پیش کیا۔

صدر مملکت نے جانی میں شہید ہونے والے نائب صوبیدار صنوبر علی، حوالدار آفتاب احمد، حوالدار محمد عارف، حوالدار محمد عمران، سپاہی احمد علی، سپاہی محمد حسیب اکبر، سپاہی ذیشان نزاکت، عبدالرشید اور وارث علی کے ورثاء سے ٹیلی فونک گفتگو کی۔

صدر مملکت ڈاکٹر عارف علوی کا جانی خیل خودکش حملے کے شہداء کے لواحقین سے ٹیلیفون پر اظہارِ افسوس

صدر مملکت نے 31 اگست کو بنوں میں شہید ہونے والے پاک فوج کے جوانوں کے ورثاء سے بات کی

صدر مملکت نے شہداء کو وطن کی خاطر جامِ شہادت نوش کرنے پر خراجِ عقیدت پیش کیا pic.twitter.com/lJpxwnrYG2

— The President of Pakistan (@PresOfPakistan) September 8, 2023

یاد رہے جانی خیل بنوں میں 31 اگست کو دہشت گرد حملہ ہوا تھا ۔

صدر مملکت عارف علوی نے شہدا کو خراج عقیدت پیش کرتے ہوئے دعا کی کہ اللہ تعالیٰ شہداء کو جنت الفردوس میں اعلیٰ مقام عطا فرمائے۔ انہوں نے سوگوار خاندانوں کے لیے یہ صدمہ برداشت کرنے کے لیے صبر کی دعا بھی کی۔