تحریک انصاف نے آرمی ایکٹ اور آفیشل سیکرٹ ایکٹ کے خلاف سپریم کورٹ میں درخواست دائر کردی

دائر درخواست میں استدعا کی گئی کہ آفیشل سیکرٹ ایکٹ اور آرمی ترمیمی قانون کو کالعدم قرار دیا جائے اور آئینی درخواست کے فیصلے تک دونوں قوانین کو معطل کیا جائے۔

تفصیلات کے مطابق چیئرمین تحریک انصاف نے شعیب شاہین کی وساطت سے سپریم کورٹ میں آئینی درخواست دائر کی، درخواست میں صدر، سیکرٹری قومی اسمبلی، وزارت قانون اور داخلہ کو فریق بنایا گیا ہے۔

پی ٹی آئی کا آفیشل سیکرٹ اور آرمی ترمیمی ایکٹ کے خلاف سپریم کورٹ سے رجوع#GNN #NewsUpdates #BreakingNews #GNN_Updates pic.twitter.com/ocf93ru6HI

— GNN (@gnnhdofficial) September 9, 2023

درخواست میں موقف اپنایا گیا کہ آرمی ترمیمی ایکٹ اور آفیشل سیکرٹ ایکٹ آرٹیکل 10اے، آرٹیکل 8 اور آرٹیکل 19 کے منافی ہے، ایکٹ پر صدر مملکت نے دستخط ہی نہیں کئےتھے ۔