پیپلز پارٹی کاانتخابات پر یوٹرن ، آصف علی زرداری نے بڑا بیان دے دیا

تفصیلات کے مطابق 24 گھنٹے کے دوران ہی  پیپلز پارٹی نے انتخابات کے معاملے میں اپنے پیش کیے گئے مؤقف سے اگر مگر سے کام لینا شروع کر دیا ، سابق صدر آصف زرداری نے بلاول بھٹو کے بیان کی ہی  نفی کردی۔

سابق صدر آصف زرداری نے انتخابات کے حوالے سے اپنے بیان میں کہا کہ الیکشن کمیشن آئین کے مطابق الیکشن کروانے کا پابند ہے ، مردم شماری کے بعد الیکشن کمیشن نئی حلقہ بندیاں کروانے کا بھی پابند ہے۔

پیپلز پارٹی کا 90 دن میں انتخابات کے مطالبے سے یوٹرن؟#GNN #NewsUpdates #BreakingNews #GNN_Updates pic.twitter.com/nH4WwO3w5g

— GNN (@gnnhdofficial) September 9, 2023

آصف زرداری نے کہا کہ ملک اس وقت معاشی بحران سے گزر رہا ہے ہمیں اس ملک کی معاشی حالت پر توجہ دینے کی ضرورت ہے بجائے کہ حکومت دیگر کاموں میں الجھی رہے معیشت کو بہتر بنانا ضروری ہے ۔

آصف زرداری کا کہنا تھا کہ چیف الیکشن کمشنر اور تمام ممبران پر ہم پورے اعتماد کا اظہار کرتے ہیں ، نگران حکومت ایس آئی ایف سی کے منصوبوں کو مکمل کرکے ملک کوترقی کی راہ پر ڈالےگی ۔

یاد رہے کہ  گذشتہ روز سابق وزیر خارجہ اور چیئرمین پاکستان پیپلز پارٹی بلاول بھٹو زرداری نے مطالبہ کیا تھا کہ عام انتخابات 90 دن میں ہونے چاہئیں اور اس کیلیے الیکشن کمیشن شیڈول کا اعلان کرے۔