شہر اقتدار میں دن دیہاڑےسڑک پر میاں بیوی قتل، 2سالہ بچہ محفوظ

اسلا م آباد : شہر اقتدار میں دن دیہاڑے میاں بیوی کا  لرزا خیز قتل کر دیا گیا ، سفاک قاتلوں نے دن دیہاڑے اسلا م آباد کی سڑک پر میاں بیوی کو گولیوں سے چھلنی کر دیا جس کے باعث خاتون اور اس کا خاوند موقع پر ہی جاں بحق ہوگئے ۔

تفصیلات کے مطابق میاں بیوی کے ہمراہ 2 سالہ بچہ بھی تھا ، 2 سالہ معصوم بچہ فائرنگ سے محفوظ رہا اور اپنے ماں باپ کی نعش کے گرد چکر لگاتا رہا ، 2 سالہ معصوم بچہ فیڈر اٹھائے لاشوں کےقریب گھومتا رہا ۔

اسلام آباد میں دن دہاڑے میاں بیوی کا سڑک پر لرزہ خیز قتل#GNN #NewsUpdates #BreakingNews #GNN_Updates pic.twitter.com/ubV0fJNOlA

— GNN (@gnnhdofficial) September 9, 2023

میڈیا ذرائع کے مطابق قتل ہونے والی خاتون کے بھائی اور بھتیجے نے فائرنگ کر کے میاں بیوی کو قتل کیا ، ذرائع کا کہنا ہے کہ دشتہ داری کے ذاتی تنازعہ پر خاتون اور اس کے میاں کو قتل کیا گیا ۔

پولیس حکام کے مطابق ملزمان کی گرفتاری کے لیے بھی چھاپے مارے جا رہے ہیں جبکہ ملزمان کی شناخت بھی کر لی گئی ہے ۔