سندھ ہائیکورٹ نے سانحہ بلدیہ فیکٹری کیس میں اپیلوں پرمحفوط فیصلہ سنا دیا

کراچی: سندھ ہائی کورٹ نے سانحہ بلدیہ فیکٹری کیس میں اپیلوں پرمحفوط فیصلہ سنا دیا۔

عدالت نے فیصلہ سناتے ہو ئے عبدالرحمان بھولا اور زبیر چریا کی سزائے موت کے خلاف اپیلیں مسترد کرتے ہوئے ان کی پھانسی کی سزا برقرار رکھنے کا فیصلہ کیا ہے۔

عدالت نے عمر قید پانے والے چاروں ملزمان شاہ رخ، فضل، ارشدمحمود، علی محمد کی اپیلیں منظور کر کے سزا کالعدم قرار دے دی ہے، سابق صوبائی وزیر رؤف صدیقی سمیت دیگر کی  بریت کے خلاف سرکار کی اپیل مسترد کر دی۔

واضح رہے کہ فریقین کی دلیلیں مکمل ہونے کے عدالت نے 29 اگست کو فیصلہ محفوظ کیا تھا، تاہم انسداد دہشت گردی کی عدالت نے 2020 میں دو ملزمان کو سزائے موت اور چار کو عمر قید کی سزا سنائی تھی۔

عدالت نے ایم کیو ایم کے سیکٹر انچارج رحمان بھولا اور زبیر چریا کو سزائے موت سنائی جبکہ ایم کیوایم رہنما رؤف صدیقی، ادیب خانم، علی حسن قادری اور عبد الستار کو بری کر دیا تھا، عدالت نے چار ملزموں ارشد محمود، فضل، شاہ رخ اور علی احمد کو سہولت کاری کا جرم ثابت ہونے پر سزا سنائی۔