پاکستان نے یورپی لانگ رینج چیمپئن شپ میں ایک طلائی اور دو چاندی کے تمغے جیت لئے

پاکستان نے انگلینڈ میں یورپی لانگ رینج چیمپئن شپ میں ایک طلائی اور دو چاندی کے تمغے جیت لئے۔

آئی ایس پی آر کے مطابق پاکستان ٹیم نے پہلی مرتبہ یورپی لانگ رینج چیمپئن شپ میں حصہ لیا۔ یہ چیمپئن شپ برطانیہ کے شہر بیسلے میں ہوئی ۔

یورپی لانگ رینج چیمپئن شپ جو ورلڈ چیمپئن شپ کے بعد یورپی پلیٹ فارم پر دنیا کا دوسرا بڑا ایونٹ سمجھا جاتا ہے میں 12 ممالک کے 80 سے زائد بین الاقوامی شوٹرز اور 12 ٹیموں نے حصہ لیا۔ پاکستانی لانگ رینج ٹیم نے یورپی لانگ رینج چیمپئن شپ یوکے 2023 جیت کر تاریخ رقم کی۔

لیفٹیننٹ جنرل احسن گلریز اور کرنل جنید وقاص نے چاندی کے تمغے حاصل کئے جبکہ لیفٹیننٹ کرنل جنید علی نے طلائی تمغہ جیتا۔ بین الاقوامی لانگ ایونٹ میں پاکستان کا یہ پہلا بین الاقوامی میڈل ہے