صدر مملکت کی جانب سے عام انتخابات کی تاریخ کا اعلان کسی بھی وقت متوقع

صدر مملکت عارف علوی کی جانب سے عام انتخابات کی تاریخ کا اعلان کسی بھی وقت متوقع، کچھ دیر قبل وزیر قانون اور صدر مملکت کی ملاقات ہوئی۔

ذرائع کے مطابق صدر مملکت نے موقف اپنایا ہے کہ آئین کے تحت انتخابات کی تاریخ دینا صدر کا اختیار ہے جبکہ وزارت قانون بھی اپنی رائے میں الیکشن کی تاریخ کا اعلان چیف الیکشن کمشنر کی صوابدید قرار دے چکی ہے۔

 صدر مملکت ڈاکٹر عارف علوی سے وزیر قانون و انصاف احمد عرفان اسلم  کی ملاقات کی،ملاقات میں ملک میں عام انتخابات کے حوالے سے مشاورت کی گئی تھی ،ملاقات عام انتخابات پر جاری مشاورت کے تسلسل میں کی گئی۔

ذرائع ایوان صدرکاکہنا ہے کہ صدر مملکت عارف علوی الیکشن کی تاریخ کے لئے ذہن بنا چکے،حکومت کی جانب سے وزیر قانون نے دو بار ملاقات کرکے صدر کو قائل کرنے کی کوشش کی  تاہم صدر کا موقف تھا کہ آئین کا ارٹیکل 48/5 اور ا سکا سب سیکشن اے بہت واضح ہیں

جس کے تحت ارٹیکل 48/5 اے کے مطابق الیکشن کی تاریخ مقرر کرنے کا اختیار صدر کے پاس ہے،آرٹیکل 48/5 کے تحت تاریخ کا اعلان میری آئینی ذمہ داری ہے۔  مشاورتی عمل کا جاری رہنا ملک میں جمہوریت کیلئے مثبت ہوگا۔