بھارت کا جیت کےلئے پاکستان کو 357 کا ہدف

ایشیا کپ سپر فور مرحلے کے میچ میں بھارت نے رنز کا پہاڑ کھڑا کر دیا، پاکستان کو جیت کیلئے 357 رنز کا ہدف دے دیا۔

کولبو میں اتوار کو بارش کے باعث ملتوی کیا گیا میچ ریزرو ڈے میں بھی تاخیر سے شروع ہوا۔ بھارتی ٹیم نے 24.1 اوورز میں 147 رنز دو وکٹوں کے نقصان پر اپنی بیٹنگ شروع کی۔ پاکستانی بولرز آج کے دن کوئی وکٹ نہ لے سکے۔ ویرات کوہلی اور کے ایل راہول نے شاندار سنچریاں بنائیں اور دو وکٹوں کے نقصان پر بھارت نے پاکستان کو جیتنے کےلئے 357 رنز کا ٹارگٹ دے دیا

India set a target of 357 runs following Rahul and Kohli's centuries.#PAKvIND | #AsiaCup2023 pic.twitter.com/zAT5WXN4pO

— Pakistan Cricket (@TheRealPCB) September 11, 2023

قبل ازیں، پیر کے روز پاکستان اور بھارتی ٹیم کے اسٹیڈیم پہنچتے وقت بارش شروع ہوئی اور چند گھٹوں بعد بارش تھم گئی۔ تاحال اوورز میں کوئی کمی نہیں کی گئی۔

پاکستانی فاسٹ بولر حارث رؤف ریزرو ڈے پر بھارت کے خلاف میدان میں نہیں اترے کیونکہ وہ سائیڈ اسٹرین کا شکار ہوگئے تھے۔

گزشتہ روز بھارتی ٹیم نے 24.1 اوورز کھیلے تھے جبکہ اوپنر روہت شرما 56 اور شبمن گل 58 رنز بنا کر آؤٹ ہوگئے تھے۔ ویرات کوہلی 8 اور کے ایل راہول 17 رنز بنا کر وکٹ پر موجود تھے۔

قومی ٹیم کے کپتان بابراعظم نے ٹاس جیت کر پہلے فیلڈنگ کرنے کا فیصلہ کیا تھا۔