نگران وزیراعظم انوار الحق کاکڑ آج سے گلگت اور ہنزہ کا 2روزہ دورہ کریں گے

اسلام آباد: نگران وزیراعظم انوار الحق کاکڑ آج(منگل) سے ہنزہ اور گلگت کا 2 روزہ دورہ کریں گے۔

منگل کو وزیراعظم آفس کے میڈیا ونگ کی جانب سے جاری بیان کے مطابق اپنے دورے کے دوران نگران وزیراعظم چیف منسٹر سیکرٹریٹ میں یادگارِ شہدا پر گارڈ آف آنر کی تقریب میں شرکت کریں گے۔ بعد ازاں وہ گورنر گلگت بلتستان اور وزیر اعلیٰ گلگت بلتستان سے ملاقات کریں گے۔

علاوہ ازیں وزیراعظم اس دورے میں گلگت بلتستان میں جاری ترقیاتی منصوبوں کی پیشرفت اور گلگت بلتستان میں امن و امان کی صورتحال کے حوالے سے اجلاس کی صدارت کریں گے۔نگران وزیراعظم گلگت اور ہنزہ کی سیاسی قیادت سے اور مقامی عمائدین و اکابرین سے ملاقات بھی کریں گے۔