ڈالر کے مقابلے میں روپیہ مستحکم ہونے لگا، ڈالر کی قیمت میں بڑی کمی

کراچی: کاروباری ہفتے کے آغاز سے ہی ڈالر کی قیمت میں کمی کا سلسلہ جاری ہے، انٹر بینک میں ڈالر کی قیمت میں مزید 2 روپیہ 16 پیسے کی کمی ہوئی جس سے انٹر بینک میں ڈالر 299 کی سطح پر ٹریڈ ہورہا ہے۔

دوسری جانب پاکستان اسٹاک ایکسچینج میں آج منفی رجحان دکھائی دے رہا ہے۔ پاکستان اسٹاک ایکسچینج کا 100 انڈیکس 168 پوائنٹس کم ہونے کے بعد 45 ہزار697 پرآ گیا۔ گزشتہ روز 100 انڈیکس 45 ہزار865 پوائنٹس پر بند ہوا تھا۔

یاد رہے کہ گزشتہ روز ڈالر 301روپے 16 پیسے پر بند ہوا تھا۔