بشریٰ بی بی کی آڈیوٹیپنگ اور اداروں کی جانب سے ہراساں کرنے کے خلاف درخواست

اسلام آباد: ہائی کورٹ اسلام آباد میں چیئرمین پی ٹی آئی کی اہلیہ بشریٰ بی بی اور زلفی بخاری کی آڈیوٹیپنگ سے متعلق درخواست پرسماعت ہوئی، عدالت نے کیس فون ٹیپنگ کے خلاف پہلے سے زیر سماعت نجم الثاقب کی درخواست کے ساتھ یکجا کر دیا۔

سماعت کے دوران جسٹس بابر ستار نے ریمارکس دیتے ہوئے کہا کہ ہم نے آپ کی درخواست کا نوٹس لے رہے ہیں اور آپ کی درخواست کو اس نوعیت کے دوسرے کیسز کے ساتھ سنیں گے۔ 

جسٹس بابر ستار نے لطیف کھوسہ سے پوچھا کہ کیا آپ نے یہ درخواست دائر کی ہے تو لطیف کھوسہ نے جواب دیا کہوکیل لطیف کھوسہ نے موقف اپنایا کہ بدقسمتی سے ہمارے فون مسلسل بَگ کئے جا رہے ہیں، جسٹس بابرستار نے کہا کہ وہ تو سب کے ہی ہو رہے ہیں اس میں کونسی بڑی بات ہے، آپکی درخواست پر اعتراض ہے کہ آپ نے کوئی آرڈر چیلنج ہی نہیں کیا۔

لطیف کھوسہ نے مزید کہا کہ پولیس اور ایف آئی اے مسلسل بشریٰ بی بی کو ہراساں کر رہے ہیں، جس پر جسٹس بابر ستار نے کہا کہ آپ کو دو پہلوؤں پر عدالت کی معاونت کرنی ہو گی۔

عدالت نے کہا کہ فون ٹیپنگ کی قانونی حیثیت اور قانونِ شہادت سے اس پہلو پر آئندہ سماعت پر عدالت کی معاونت کریں۔