سپین کی قومی ٹیم کی کھلاڑی جینی ہرموسو کا میکسیکن کلب پاچوکا میں واپسی پر پر تپاک استقبال

<p"">سپین کی قومی ٹیم کی کھلاڑی جینی ہرموسو کا ویمنز ورلڈ کپ میں فتح کے بعد میکسیکن کلب پاچوکا میں واپسی پر پر تپاک استقبال کیا گیا ہے ۔ سپینش فیڈریشن کے صدر روبیلز کی جانب سے ان کی رضامندی کے بغیر ان کو بوسہ دیا گیا جس کے بعد سپین میں بڑا تنازع کھڑا ہوگیا تھا۔ فیفا نے روبیلز کو عارضی طور پر معطل کردیا ہے۔

روبیلز نے گزشتہ ماہ کے آخر میں ویمنز ورلڈ کپ جیتنے کے بعد ہرموسو کو بوسہ دیا تھا۔ اس اقدام کی شدید مذمت سامنے آنے کے بعد روبیلز نے اپنے عہدہ سے استعفی دے دیا تھا ۔ ہسپانوی پراسیکیوٹر نے ان کے خلاف تحقیقات کا آغاز کردیا ہے۔ ہر موسو نے روبیلز کے خلاف باضابطہ شکایت بھی درج کرا دی ہے۔

?️ | ¡Así recibe el Huracán y la familia blanquizul a nuestra campeona del mundo @Jennihermoso! #ElFutbolEsHermoso#PachucaSomosTodos?? pic.twitter.com/sXPRTkoTPS

— Club Pachuca (@Tuzos) September 10, 2023

ہرموسو پوماس کے خلاف اپنے میچ میں اپنی ٹیم پاچوکا میں واپس آئی تو پرستاروں نے اسے مبارکباد دینے کے لیے بینرز اٹھا رکھے تھے۔ ان کی ایک دیو ہیکل تصویر بھی سٹیڈیم میں آویزاں تھی۔

 دونوں ٹیموں کے کھلاڑیوں نے میچ شروع ہونے سے قبل ہی ہرموسو کے لیے  راستہ بنایا اور روبیلز کے ساتھ جو کچھ ہوا اس کی بھرپور حمایت کی۔