سانحہ بلدیہ میں سزا پانے والے ساتھیوں  کو تنہا نہیں چھوڑیں گے، خالد مقبول

کراچی: ایم کیو ایم سیاسی پارٹی کے رہنما نے پریس کانفرنس میں میڈیا سے خطاب کرتے ہوئے کہا کہ ہم سانحہ بلدیہ میں سزا پانے والے ساتھیوں کو تنہا نہیں چھوڑیں گے۔

ایم کیو ایم نے سانحہ بلدیہ پرعدالتی کمیشن بنانے کا مطالبہ کردیا، خالد مقبول کا کہنا تھا کہ گزشتہ روز ایک رائے کو فیصلہ بنا کر سنایا گیا، جس میں ایم کیو ایم کے دو کارکنوں کو سزائے موت دی گئی۔

واضح رہے کہ گزشتہ روزعدالت نے ایم کیو ایم کے سیکٹرانچارج رحمان بھولا اور زبیر چریا کو سزائے موت سنائی جبکہ ایم کیو ایم رہنما رؤف صدیقی، ادیب خانم، علی حسن قادری اور عبد الستار کو بری کر دیا تھا، عدالت نے چار ملزموں ارشد محمود، فضل، شاہ رخ اور علی احمد کو سہولت کاری کا جرم ثابت ہونے پر سزا سنائی۔