9 مئی سانحہ ،چیئرمین پی ٹی آئی 10 مقدمات میں گنہگار قرار

9 مئی سانحہ،جے آئی ٹی نے 14 مقدمات میں سے 10 مقدموں میں چیئرمین پی ٹی آئی عمران خان کو گنہگار قرار دے دیا، چیئرمین تحریک انصاف کے خلاف مرکزی مقدمہ 96/23 کا چالان دو ہزار صفحات پر مشتمل ہے۔

جے آئی ٹی ذرائع کے مطابق جے آئی ٹی حکام کے مطابق چیئرمین پی ٹی آئی کے اپنے بیانات حالات سے متضاد پائے گئے۔ چئیرمین پی ٹی آئی کے خلاف سوشل میڈیا سے متعلق 400 سے زائد شواہد ملے ہیں۔ گرفتار ملزمان کے بیانات اور نشاندہی پر چئیرمین پی ٹی آئی کو گنہگار قرار دیا گیا ہے۔

جے آئی ٹی کا کہنا ہے کہ جناح ہاؤس حملے میں براہ راست ملوث 80 ملزمان کے بیانات میں سازش کا عنصر واضح ہوا ہے، نو مئی کے واقعات پر براہ راست سازش کے شواہد بھی دوران تفتیش ملے ہیں۔ دیگر نو مقدمات میں بھی ٹھوس شواہد کی روشنی میں چیئرمین پی ٹی آئی گنہگار قرار پائے۔

چودہ مقدمات کا چالان جلد عدالت میں جمع کروادیا جائے گا