نواز شریف 21 اکتوبر کو وطن واپس پہنچیں گے

لندن: سابق وزیراعظم اور پاکستان مسلم لیگ (ن) کے قائد نواز شریف کی وطن واپسی کی تاریخ طے پا گئی۔

لندن میں نواز شریف کی زیر صدارت مسلم لیگ ن کا اجلاس ہوا جس میں شہباز شریف، سلیمان شہباز، حسن نواز، خواجہ آصف اور دیگر رہنما شریک ہوئے۔

ملاقات میں نواز شریف کی وطن واپسی اور انتخابات کی حکمت عملی پر تبادلہ خیال کیا گیا جب کہ انتخابات کے حوالے سے پاکستان پیپلز پارٹی کی پوزیشن پر بھی تبادلہ خیال کیا گیا۔

سابق وزیراعظم شہباز شریف نے اپنے ایک بیان میں کہا کہ نواز شریف 21 اکتوبر کو وطن واپس آئیں گے اور وطن واپسی پر ان کا استقبال کیا جائے گا۔

نواز شریف کا لاہور میں استقبال کیا جائے گا اور ملک کے مختلف علاقوں میں ان کے لیے ریلیاں نکالی جائیں گی۔

خیال رہے کہ سابق وزیراعظم نواز شریف نومبر 2019 میں علاج کے لیے برطانیہ گئے تھے۔