کراچی میں ایف آئی اے اینٹی کرپشن سرکل کی کاروائی

کراچی: شہر قائد میں ایف آئی اے اینٹی کرپشن سرکل کی بہادرآباد میں کاروائی ہوئی، جس کے نتیجے میں حوالہ کنڈی اور غیر ملکی کرنسی کے لین دین میں ملوث ملزم کو گرفتار کر لیا گیا ہے۔

گرفتار ملزم یوسف کے گھر سے کروڑوں روپے کی ملکی و غیر ملکی کرنسی برآمد کرکے مقدمہ بھی درج کر کے کاروائی کا آغاز کر دیا گیا ہے۔

پولیس کے مطابق ملزم کے قبضے سے 1 کروڑ روپے پاکستانی، 2 ہزار روپے امریکی ڈالر، 48 ہزار سعودی ریال، 12 کروڑ ایرانی ریال ، 54 ہزار6 سو شامی پاؤنڈ، 30 ہزار700 انڈین روپے، 320 لبنانی دینار، 17 ہزار 500 عراقی دینار، ڈنمارک، ناروے سمیت 13 ممالک کی کرنسی برآمد ہوئی ہے، جس کی مالیت کروڑوں میں ہے۔

ملزم سے برآمد ہونے والے موبائل فونز کا ڈیٹا بھی حاصل کیا جارہا ہے۔