پاکستان کے مختلف شہروں میں بجلی چوروں کے خلاف کارروائیاں جاری

سیکریٹری پاور راشد لنگڑیال نے کہا ہے کہ بجلی چوروں سے 95 کروڑ 10لاکھ وصول کر لیے ہیں۔

راشد لنگڑیال نے سوشل میڈیا پر اعداد و شمار جاری کرتے ہوئے کہا کہ دعویٰ کیا ہے کہ وصولیاں آج ایک ارب روپے سے تجاوز کر جائیں گی۔ 490 بجلی چور گرفتار اور 4241 کے خلاف مقدمات درج ہو چکے ہیں۔

مختلف شہروں میں بجلی چوروں کے خلاف کارروائیاں جاری ہیں۔ فیصل آباد میں مزید 136 کنڈے کاٹ دیے گئے،301 مقدمات درج کیے گئے اور ایک کروڑ 93 لاکھ سے زائد کے جرمانے عائد کیے گئے۔

PM's campaign against Power Theft

Will cross first billion recovery mark today, although all nuts and bolts of anti-theft campaign are still not fully in place.

An iterative process: learning by doing in place. Fully-evolved model by end of the month Insha Allah. pic.twitter.com/SqJOGzBuEv

— Rashid Langrial (@Rashidlangrial) September 14, 2023

حافظ آباد سے 200، گوجرانوالہ سے 177، سیالکوٹ سے 46، نارووال سے 25 اور منڈی بہاؤالدین سے 25 بجلی چور پکڑے گئے اور 2 کروڑ 48 لاکھ روپے سے زائد کے جرمانے کیے گئے۔ 

سیپکو نے سکھر، لاڑکانہ، دادو، شکارپور اور گھوٹکی میں بجلی چوروں کے خلاف آپریشن کیا، پانچوں سرکلز میں بجلی چوروں کے خلاف 7 روز سے جاری آپریشن میں واپڈا کے 7 ملازمین سمیت کئی ملزمان کو گرفتار کیا گیا۔

کوئٹہ میں بھی بجلی چوروں کے خلاف کارروائیاں جاری ہیں، شہر میں بجلی چوروں کے خلاف اب تک 101 ایف آئی آرز درج کی گئیں اور 55 بجلی چوروں کو گرفتار کیا گیا۔