اسٹاک مارکیٹ میں تیزی، امریکی ڈالر کا زوال جاری

کراچی: پاکستانی روپے کی قدر میں اضافہ جاری، انٹربینک میں ڈالر کی قیمت میں کمی کا سلسلہ مسلسل برقرار ہے۔

کاروباری ہفتے کے آخری روز انٹربینک میں امریکی کرنسی کی قیمت میں 1 روپے 21 پیسے کمی ہوئی جس کے بعد انٹربینک میں ڈالر 296 روپے 75 پیسے پر ٹریڈ کر رہا ہے۔

یاد رہے کہ گزشتہ کاروباری دن کے اختتام پر انٹربینک میں ڈالر 297 روپے 96 پیسے پر بند ہوا تھا۔

ادھر اوپن مارکیٹ میں بھی ڈالر کی قیمت میں ایک روپیہ کی کمی ہوئی ہے جس کے بعد اوپن مارکیٹ میں ڈالر 299 روپے پر فروخت ہو رہا ہے۔

دوسری جانب شرح سود کے نہ بڑھنے اور کرنٹ اکائونٹ خسارے میں کمی سے اسٹاک مارکیٹ میں تیزی دیکھی گئی ہے۔

ہنڈریڈ انڈیکس 300 پوائنٹس بڑھ کر  45 ہزار 950 پوائنٹس پر پہنچ گیا۔