سپریم کورٹ نے نیب ترامیم کو کالعدم قرار دیدیا

اسلام آباد:سپریم کورٹ نے نیب ترامیم کو کالعدم قرار دیدیا گیا ہے۔

سپریم کورٹ نے نیب ترامیم کے خلاف چیئرمین پی ٹی آئی کی درخواست قابل سماعت قرار دے دی۔

سپریم کورٹ نے اپنے فیصلے میں کہا ہے کہ عوامی عہدوں پر بیٹھے تمام افراد کے مقدمات بحال، سپریم کورٹ نے نیب ترامیم کیخلاف درخواست قابل سماعت قرار دیدی ہے۔

عدالت نے 50 کروڑ کی حد سے کم ہونے پر ختم ہونے والے تمام مقدمات بحال کردیے اور عدالت نے کہا کہ تمام ختم انکوائریز،کیسز بحال کیے جاتے ہیں، تمام کیسز نیب عدالتوں اور احتساب عدالتوں میں دوبارہ مقرر کیے جائیں۔

سپریم کورٹ نے نیب ترامیم کی کچھ شقیں کالعدم قرار دی ہیں۔

رکنی بینچ نے 5 ستمبر کو کیس کا فیصلہ محفوظ کیا تھا اور اس حوالے سے جسٹس عمر عطا بندیال کا کہنا تھا ریٹائرمنٹ سے پہلے اس اہم کیس کا فیصلہ کر کے جاؤں گا۔

عدالت عظمیٰ کے تین رکن بنچ میں چیف جسٹس پاکستان عمر عطاء بندیال کے ساتھ جسٹس اعجازالاحسن اور جسٹس منصور علی شاہ شامل ہیں۔

سپریم کورٹ کی جانب سے آج کی سماعت کا روسٹر جاری کیا گیا تھا جس میں بتایا گیا کہ نیب ترامیم کیس کا فیصلہ آج 12:15 بجے سنایا جائے گا۔

یاد رہے کہ چیئرمین پاکستان تحریک انصاف (پی ٹی آئی) نے نیب ترامیم کے خلاف درخواست دائر کی تھی۔