ٹرین مسافروں کی تعداد میں اضافہ

لاہور: پاکستان ریلوے کی جانب سے کڑی نگرانی اور سخت انتظامات کے باعث ٹرینوں میں وقت کی پابندی کا مجموعی تناسب چار ماہ میں 76 سے92 فیصد تک بہتر ہوا ہے۔

وزارت ریلوے کے ترجمان نے اے پی پی کو بتایا کہ بہتری سے مسافروں کی تعداد میں دو کروڑ سے زائد کا اضافہ ہوا ہے۔ انہوں نے کہا کہ محکمے نے خسارہ کم کرنے کے لئے کئی اقدامات کئے ہیں جن میں رابطہ ایپ متعارف کروانا بھی شامل ہے۔

رابطہ پلیٹ فارم صارفین کو سفر کی منصوبہ بندی کرنے، ٹرین کے اوقات کار کی معلومات، نشستوں کی بکنگ اور کھانے اور ہوٹلوں سے متعلق آگاہی فراہم کرنا ہے۔