جی این این سوشل

پاکستان

 چیف آف آرمی سٹاف جنرل سید عاصم منیر نے بروتھا گیریژن کا دورہ

پاک فوج کے جونیئرلیڈرز نے دنیا بھر میں تربیت، آپریشنز اور عالمی معیار کے مقابلوں کے شعبوں میں اپنی صلاحیتوں کا لوہا منوایا ہے،آرمی چیف

پر شائع ہوا

کی طرف سے

 چیف آف آرمی سٹاف جنرل سید عاصم منیر نے بروتھا گیریژن کا دورہ
جی این این میڈیا: نمائندہ تصویر

چیف آف آرمی سٹاف جنرل سید عاصم منیر کاکہنا ہے کہ پاک فوج کے جونیئرلیڈرز نے دنیا بھر میں تربیت، آپریشنز اور عالمی معیار کے مقابلوں کے شعبوں میں اپنی صلاحیتوں کا لوہا منوایا ہے۔

کثیرالملکی سپیشل فورسز کی مشترکہ مشق ایٹرنل برادرہوڈ 2 کی افتتاحی تقریب  بروتھا میں منعقد ہوئی۔ دو ہفتوں پر مشتمل مشترکہ مشق میں پاکستان، قازقستان، قطر، ترکیہ اور ازبکستان کی سپیشل فورسز حصہ لے رہی ہیں۔

 چیف آف آرمی سٹاف جنرل سید عاصم منیر نے بروتھا گیریژن کا دورہ کیا۔شنکیاری اور بروتھا آمد پر انسپکٹر جنرل ٹریننگ اینڈ ایویلیوایشن نے آرمی چیف کا استقبال کیا۔ جنرل سید عاصم منیر کو جنرل آفیسر کمانڈنگ سپیشل سروسز گروپ کی جانب سے مشق کے حوالے سے بریفنگ دی گئی۔

آئی ایس پی آر کے مطابق  مشق کا مقصد دوست ممالک کے مابین تاریخی فوجی تعلقات کو مزید بڑھانا ، مستقبل کے فوجی تعاون کو بڑھانا اور ایک دوسرے کے تجربات سے مستفید ہو کردہشتگردی کے خلاف نبرد آزما ہونا ہے۔

آرمی چیف جنرل سید عاصم منیر نے جونیئر لیڈر شپ اکیڈمی (شنکیاری) کا دورہ بھی کیا ۔

آرمی چیف جنرل سید عاصم منیر کاکہنا تھاکہ جونیئر لیڈرز پاکستان آرمی کی ریڑھ کی ہڈی کی حیثیت رکھتے ہیں اور روایتی اور غیر روایتی جنگ میں کامیابی سے کلیدی کردار ادا کر رہے ہیں۔ پاک فوج کی پیشہ ورانہ مہارت اور قیادت کا معیار دنیا کی کسی بھی جدید فوج کے مقابلے میں بہترین ہے۔

دنیا

بیت المقدس اسرائیلی فوج کی جارحیت کے باوجود تکبیرات سے گونج اٹھا

پابندیوں کے باجود 40 ہزار سے زائد فلسطینی مسجد اقصیٰ میں داخل ہوکر عید الاضحیٰ کی نماز ادا کرنے میں کامیاب ہوگئے

پر شائع ہوا

ویب ڈیسک

کی طرف سے

بیت المقدس اسرائیلی فوج کی جارحیت کے باوجود تکبیرات  سے گونج اٹھا

بیت المقدس میں اسرائیلی فوج کی جارحیت، بےجا رکاوٹوں اور پابندیوں کے باجود 40 ہزار سے زائد فلسطینی مسجد اقصیٰ میں داخل ہوکر عید الاضحیٰ کی نماز ادا کرنے میں کامیاب ہوگئے۔

عالمی خبر رساں ایجنسی کے مطابق اسرائیلی فورسز نے مسجد اقصیٰ میں عید الاضحیٰ کی نماز پڑھنے کے لیے آنے والے مسلمانوں پر حملہ کیا اور تشدد کا نشانہ بنایا۔ قابض فوج نے مسجد اقصیٰ کے صحن میں توڑ پھوڑ کی، نمازیوں کے شناختی کارڈز چیک کرکے ان کے ہراساں کیا، نمازیوں کی نقل و حرکت میں خلل ڈالا۔

اسرائیلی فوجیوں نے ہزاروں فلسطینیوں کو عید کی نماز کے لیے مسجد اقصیٰ میں داخل ہونے سے روک دیا۔ جس سے مسلمانوں میں غم وغصے کی لہر دوڑ گئی۔

اردن کے زیر انتظام مسجد اقصیٰ کی اسلامی وقف کے انچارج نے اعلان کیا کہ اسرائیلی بندشوں اور ہزاروں افراد کو داخلے سے روکنے کے باوجود 40 ہزار سے زائد فلسطینی نمازِ عید ادا کرنے میں کامیاب ہوگئے۔ جن فلسطینی نوجوانوں کو اسرائیلی فوج نے تشدد کا نشانہ بناکر مسجد اقصیٰ سے نکالا تھا انہوں نے مسجد کے باہر صفیں بنالیں اور نماز ادا کی۔

دوسری جانب غزہ میں بے گھر فلسطینیوں نے تباہ علاقے میں اپنے گھروں کے ملبے پر نماز عید ادا کی۔ اس موقع پر غزہ کے غیور عوام کا جذبہ دیدنی تھا۔

پڑھنا جاری رکھیں

پاکستان

ایم کیو ایم پاکستان کی سیاسی جماعتوں سے رابطے کے لیے پارلیمانی کمیٹی تشکیل

ایم کیو ایم پاکستان کا سندھ کا بجٹ مسترد کرتے ہوئے وفاقی بجٹ پر بھی تحفظات کا اظہار

پر شائع ہوا

ویب ڈیسک

کی طرف سے

ایم کیو ایم  پاکستان کی  سیاسی جماعتوں سے رابطے کے لیے  پارلیمانی کمیٹی تشکیل

متحدہ قومی موومنٹ (ایم کیو ایم) پاکستان نے سیاسی جماعتوں سے رابطے کے لیے 4 رکنی پارلیمانی کمیٹی تشکیل دے دی جبکہ ایم کیو ایم نے سندھ کا بجٹ مسترد کرتے ہوئے وفاقی بجٹ پر بھی تحفظات کا اظہار کیا ہے۔

ایم کیو ایم کے مرکز بہادرآباد میں چیئرمین ڈاکٹر خالد مقبول صدیقی کی سربراہی میں مرکزی کمیٹی کا اجلاس ہوا، جس میں ملک کی سیاسی و معاشی صورتحال بالخصوص وفاقی اور سندھ کے صوبائی بجٹ کا تفصیلی جائزہ لیا گیا۔ اجلاس میں شرکاء نے سندھ کے بجٹ کو یکسر مسترد کرتے ہوئے کرتے ہوئے اُسے شہری اور سندھ دشمن بجٹ قرار دے دیا۔

اجلاس کے دوران عوامی مسائل کے حوالے سے سیاسی جماعتوں سے رابطے اور ملاقاتوں کے لیے 4 رکنی پارلیمانی کمیٹی تشکیل دی گئی، جس میں سید مصطفیٰ کمال، ڈاکٹر فاروق ستار، سید امین الحق اور سید فیصل سبزواری شامل ہیں۔ کمیٹی حکومتی اور سیاسی قائدین سے مختلف مسائل اور معاملات پر ملاقاتیں کرے گی۔

ترجمان ایم کیو ایم نے کہا کہ سندھ کی متعصب حکومت نے بجٹ میں شہری سندھ کے لیے کوئی بڑا ترقیاتی منصوبہ اور شہری نوجوانوں کے لیے کوئی سکیم نہیں رکھی، کراچی سندھ کے بجٹ کا 97 فیصد پیسہ دیتا ہے اس کے باوجود کراچی کی ترقی، انفراسٹرکچر اور شہریوں کو نظرانداز کیا گیا۔

اجلاس میں مرکزی کمیٹی نے وفاقی بجٹ پر بھی شدید تحفظات کا اظہار کیا جبکہ تنخواہ دار طبقے پر اِنکم ٹیکس کے اضافی بوجھ پر بھی تشویش کا اظہار کرتے ہوئے کہا کہ تنخواہ دار طبقے پر ٹیکس بڑھانا ملک کے بڑے جاگیردار، سرمایہ دار اور وڈیروں کو تحفظ فراہم کرنے کے مترادف ہے۔ایم کیو ایم، پی ٹی آئی سے مذاکرات کیلئے تیار، بجٹ حکومتی عہدیداروں اور امیروں کی سہولتکاری قرار دے دیا

ترجمان ایم کیو ایم نے مطالبہ کیا کہ وزیر اعظم پاکستان تنخواہ دار طبقے پر اِنکم ٹیکس کا بوجھ کم کرنے اور ان کا معاشی قتل عام بند کرنے کی ہدایت جاری کریں۔

پڑھنا جاری رکھیں

دنیا

روس یوکرین جنگ میں امن عمل کے لیے کئی مشکل سمجھوتے کرنا ہوں گے،سعودی عرب

یوکرین کی جنگ میں قابل اعتبار امن عمل کو آگے بڑھانے کے لیے روس کی شرکت ضروری ہوگی، سعودی وزیر خارجہ شہزادہ فیصل

پر شائع ہوا

ویب ڈیسک

کی طرف سے

روس یوکرین جنگ  میں امن عمل کے لیے کئی مشکل سمجھوتے کرنا ہوں گے،سعودی عرب

سعودی وزیر خارجہ شہزادہ فیصل بن فرحان نے کہا ہے کہ یوکرین امن عمل میں کئی مشکل سمجھوتے کرنے والی مشکلات کا سامنا کرنا ہوگا

غیر ملکی خبر رساں ایجنسی کے مطابق سوئٹزر لینڈ میں ایک کانفرنس میں گفتگو کرتے ہوئے سعودی وزیر خارجہ نے کہا  یوکرین کی جنگ میں قابل اعتبار امن عمل کو آگے بڑھانے کے لیے روس کی شرکت ضروری ہوگی۔ اس عمل میں کئی مشکل سمجھوتے بھی کرنا ہوں گے۔ تاہم مملکت اس جنگ کے خاتمے لیے میں مدد کرنے کے لیے اپنی غیر معمولی کمٹمنٹ کا اعادہ کرتی ہے۔

 سعودی وزیر خارجہ نے کہا  یہ ضروری ہے کہ بین الاقوامی برادری اس مقصد کی حوصلہ افزائی کرے تاکہ سنجیدہ مذاکرات ممکن ہو سکیں۔ مگر سنجیدہ مذاکرات کے لیے کئی اہم سمجھوتے کرنا پڑیں گے۔ تبھی امن کے لیے ایک ' روڈ میپ ' کی تیاری ممکن ہو سکے گی۔

واضح رہے فروری 2022 سے جاری اس روس یوکرین جنگ میں سعودی عرب کو ایک اہم اور قائدانہ حیثیت کے حامل کے طور پر سوئٹزرلیینڈ کی اس کانفرنس میں ویک اینڈ پر موجود ہوگا۔ کانفرنس میں کئی عالمی رہنماؤں کی شرکت ہو گی۔

پڑھنا جاری رکھیں

ٹرینڈنگ

Take a poll