سعودی عرب سمیت متعدد مسلم ممالک اسرائیل کو تسلیم کر لیں گے،اسرائیلی وزیرخارجہ

اسرائیلی وزیرخارجہ ایلی کوہن نےحال ہی میں  انکشاف کیا ہے کہ سعودی عرب کی جانب سے اسرائیل کو تسلیم کیے جانے کے ساتھ ہی 6 سے 7 مسلم ممالک بھی اسرائیل کو تسلیم کرلیں گے،ایلی کوہن کا کہنا تھا کہ اسرائیلی وزیراعظم بن یامین نیتن یاہو کی یہ بات انتہائی اہم ہے کہ سعودی عرب کے ساتھ امن کا مطلب مسلم دنیا اور یہودیوں کے درمیان امن ہے۔

اپنے ایک انٹرویو میں اسرائیلی وزیرخارجہ نے زور دیا کہ سعودی عرب کے بعد اسرائیل سے تعلقات قائم کرنے والے چھ یا سات ممالک کا تعلق ایشیا اور افریقا سے ہوگا۔

ایلی کوہن نے کہا کہ انہوں نے کئی ایسے مسلم ممالک کے اہلکاروں سے ملاقات کی ہے جن کے ممالک اور اسرائیل کے درمیان کوئی رسمی تعلق نہیں۔

پاکستانی وزیر خارجہ جیل عباس نے واضح کر دیا کہ جب تک فلسطین کا کوئی حل نہیں نکالا جاتا اس وقت تک اسرائیل کو تسلیم نہیں کیا جا سکتا ۔

انہوں نے واضح کیا کہ حال ہی میں ان کی کسی پاکستانی حکام سے کوئی ملاقات نہیں ہوئی ۔

سعودی عرب سے امن کا مطلب مسلم دنیا اور یہودیوں کے درمیان امن ہے،وزیر خارجہ#GNN #NewsUpdates #BreakingNews #GNN_Updates pic.twitter.com/RvJp6Yc5QA

— GNN (@gnnhdofficial) September 24, 2023

کوہن نے پچھلے ماہ انکشاف کیا تھا کہ ان کی لیبیا کی وزیر خارجہ سے ملاقات ہوئی ہے جس پر نجلا منقوش کو نہ صرف عہدہ بلکہ ملک چھوڑنا پڑگیا تھا اوراب ان کے خلاف تحقیقات جاری ہیں۔

دوسری جانب سعودی عرب کے قومی دن پر اسرائیل کی جانب سے مبارک باد پیش کی گئی، اسرائیل کا کہنا تھا کہ وہ سعودی شاہ، سعودی حکومت اور عوام کو مخلصانہ مبارک باد پیش کرتا ہے۔