شہریار آفریدی کی گرفتاری پر تھری ایم پی او اختیارت سے تجاوز کیس کی سماعت

شہریار آفریدی کی گرفتاری پر تھری ایم پی او جاری کرتے وقت اختیارت سے تجاوز کیس کی سماعت ہوئی،سماعت کے دوران جسٹس بابر ستار نے ریمارکس دیئے کہ میری فیملی اور دوستوں کے ذریعے سے مجھے اپروچ کروایا جا رہا ہے۔

اسلام آباد ہائی کورٹ کے جسٹس بابر ستار شہریار آفریدی کی گرفتاری پر ایم پی او جاری کرکے اختیارات سے تجاوز کرنے کے خلاف توہین عدالت کیس کی سماعت کی۔ اس موقع پر ڈی سی اسلام آباد عرفان میمن، ایس ایس پی آپریشنز جمیل ظفر سمیت پراسیکیوٹر قیصر امام ایڈووکیٹ عدالت کے سامنے پیش ہوئے۔

اسلام آباد ہائی کورٹ نے سابق وفاقی وزیر اور رہنما پی ٹی آئی شہریار آفریدی کی گرفتار پر اختیارات سے تجاوز کے کیس میں ڈی سی اسلام آباد کی معافی مسترد کردی۔ 

جسٹس بابر ستار نے ڈپٹی کمشنر اسلام آباد پر اظہار برہمی کرتے ہوئے کہا کہ آپ فیملی اور دوستوں کے ذریعے مجھےاپروچ کروا رہے ہیں، کیا میں آپ کو ایک اور شوکاز نوٹس جاری کروں؟ ڈی سی صاحب آپ آگے سے کھیل رہے ہیں۔

ڈی سی اسلام آباد نے عدالت میں جواب دیا کہ میں حلف اٹھا کر کہتا ہوں میں نے اپروچ نہیں کرایا،

جسٹس بابر ستار نے برہمی کا اظہار کرتے ہوئے کہا کہ میں کیس سن رہا ہوں اور یہ مجھے کال کروا رہے ہیں، ڈی سی صاحب آپ کر انصاف کی راہ میں رکاوٹ بننے کا الزام ہے، آپ اپنے کاموں کے لئے کالز پر فوکس کرتے ہوں گے لیکن عدالت ایسا بالکل نہیں کرتی۔آپ کو جو قانونی دفاع ہے اس پر توجہ مرکوز کریں۔ عدالت قانون کے مطابق کیس کو سنے گی۔