ترک اداکارہ اسری بلگیج انسٹاگرام پر چھا گئیں

ترکی کی خو برو اداکارہ اسری بلگیج  عرف حلیمہ سلطان نے ایک اور سنگ میل عبور کرلیا ہے۔ اداکارہ کے انسٹاگرام فالورز کی تعداد 6 ملین تک پہنچ گئی ہے۔اداکارہ اسری بلگیج  جو کہ سوشل میڈیا پر کافی فعال نظر آتی ہیں،  اداکارہ کی پاکستان میں بے پناہ مقبولیت  کی وجہ سے پاکستانی بھی  انہیں سوشل میڈیا پر فالو کرنے سمیت ان سے اپنی محبت کا اظہار کرتےرہتے ہیں ۔

اداکارہ نے دنیا بھر سے سیریز میں اپنے کردار بطور حلیمہ سلطان شاندار کارکردگی دکھانے کے لیے داد وصول کی ہے۔ انہوں نے صرف 319 افراد کو انسٹاگرام پر فالو کیا ہوا ہے جن میں ان کے قریبی دوست احباب اور ساتھی شوبز اسٹارز ہیں۔ ترکی کے شہرہ آفاق ڈرامے ’دیریلیش ارطغرل‘ جسے اردو میں 'ارطغرل غازی' کے نام سے نشر کیا گیا ، اگرچہ اس نے پاکستان میں نشر ہونے سے قبل ہی مقبولیت حاصل کرلی تھی تاہم نشر ہونے کے بعد اس ڈرامے نے مقبولیت کے نئے ریکارڈز بنائے۔